Azərbaycan News Agency

İsrailin Baş naziri Benyamin Netanyahu Dini Sionizm hərəkatının İsrail Müdafiə Qüvvələrinin (IDF) əsgərləri barədə səsləndirdiyi fikirləri tənqid edən açıqlama verib.

Netanyahu sosial media hesabında paylaşdığı açıqlamada həmin ifadələri "qəti şəkildə" rədd etdiyini bildirib.

IDF əsgərlərinin dindar, dünyəvi və ultraortodoks icmalardan gəldiyini vurğulayan Netanyahu qeyd edib ki, onlar İsraili və vətəndaşlarını qorumaq üçün evlərini, işlərini və ailələrini geridə qoyaraq həyatlarını riskə atırlar. O əlavə edib: "Onlar dərin ehtirama, minnətdarlığa və cəmiyyətin bütün təbəqələrinin tam dəstəyinə, əlbəttə ki, Tövrat dünyasının da dəstəyinə layiqdirlər."