Azərbaycan News Agency

Belçikanın baş nazirinin müavini və xarici işlər naziri Maksim Prevot Konqo Demokratik Respublikasının Prezidenti Feliks Tshisekedi ilə görüş keçirdiklərini bildirib.

Prevot Konqo Demokratik Respublikasının şərqində sülh yolu ilə həllin tapılmasına, ölkənin ərazi bütövlüyünə hörmət göstərilməsinə sadiqliklərini təsdiqlədiklərini və inklüziv milli dialoqa çağırış etdiklərini qeyd edərək deyib:

“Belçika Konqo Demokratik Respublikasının strateji tərəfdaşı olaraq qalır; sülhün dəstəklənməsi və M23 tərəfindən qanunsuz şəkildə nəzarət edilən ərazilərdə əhalinin üzləşdiyi dramatik humanitar vəziyyətə Avropa ölkələrinin kifayət qədər diqqət göstərməsini təmin etmək əzmini davam etdirir.”