Azərbaycan News Agency

BMT-nin Baş katibi Antonio Quterreş Livanın cənubunda fəaliyyət göstərən BMT-nin Müvəqqəti Qüvvələrinin (UNIFIL) personalına qarşı hücumu pislədi.

Quterreş həlak olanların ailələrinə və İndoneziyaya başsağlığı verərək dedi: “Yaralanmış personalın tam və sürətli sağalmasını arzulayıram. Bu, son 24 saat ərzində baş verən ikinci ölümcül hadisədir. Bazar günü ayrı bir hadisədə daha bir sülhməramlı həyatını itirmişdi.”

Quterreş sülhməramlı personalına qarşı hücumların beynəlxalq hüququn ciddi pozuntuları olduğunu vurğulayaraq əlavə etdi: “Sülhməramlılara qarşı hücumlar beynəlxalq humanitar hüququn ağır pozuntularıdır. Bu hücumlar dayandırılmalıdır. Sülh üçün xidmət edən heç kim həyatını itirməməlidir.”