Azərbaycan News Agency

Rusiya Xarici İşlər Nazirliyi Polşanın Moskvadakı səfiri Krzysztof Krajewski-ni nazirliyə çağıraraq, 2025-ci ilin dekabrında Varşavada saxlanılan rus arxeoloqu Aleksandr Butyaginlə bağlı etiraz bildirişi təqdim edib.

Nazirlik Kiyev hakimiyyətinin Butyaginə qarşı irəli sürdüyü ittihamların onun Krımda apardığı elmi fəaliyyətlə bağlı olduğunu və bu səbəbdən əsassız xarakter daşıdığını bildirib; İnterpolun Ukraynanın müraciəti üzrə tədbir görməməsi və Butyaginin saxlanılmadan əvvəl Avropa ölkələrinə sərbəst şəkildə səyahət edə bilməsinin təqibin siyasiləşdirildiyini göstərdiyini qeyd edib.

Həmçinin dünyaca tanınmış arxeoloq və Dövlət Ermitaj Muzeyinin əməkdaşı olan Butyaginin Kerç yarımadasında apardığı işlərin bütün aidiyyəti qurumların icazəsi ilə həyata keçirildiyi və tapılan eksponatların Şərqi Krım Muzeyi- Qoruğuna təhvil verildiyi bildirilib.

Xarici İşlər Nazirliyi arxeoloq Butyaginin dərhal azad olunmasını tələb edib.