Azərbaycan News Agency

Ukrayna Prezidenti Volodimir Zelenski Niderlandın Baş naziri Dik Şuf ilə keçirdiyi telefon danışığı ilə bağlı açıqlama verib.

Rusiyanın hücumları və hədəfləri haqqında danışan Zelenski bildirib: “Onu Rusiyanın şəhərlərimizə və yaşayış məntəqələrimizə qarşı intensiv pilotsuz uçuş aparatları və raket hücumları barədə məlumatlandırdım. Aydındır ki, ruslar diplomatiya əvəzinə həyatın məhv edilməsinə fokuslanıblar”.

Zelenski deyib: “Onların hədəfi enerji sektorudur. Hazırda Ukraynaya kifayət qədər dəstəyin göstərilməsi son dərəcə vacibdir. Bu, həm dayanıqlığımız və bərpamız, həm də kifayət qədər hava hücumundan müdafiə sursatları ilə bağlıdır”.

Prioritet mövzulara və diplomatik təmaslara toxunan Zelenski açıqlamasını belə yekunlaşdırıb: “Hava hücumundan müdafiə raketləri və enerji sistemi üçün zəruri olan bütün yardımlar hazırda ən prioritet məsələlərdir. Amerika tərəfi ilə əlaqələrin gedişatını və mümkün görüşləri də müzakirə etdik. Göstərilən dəstəyə və köməyə hazır olduqlarına görə minnətdaram”.