Azərbaycan News Agency

ÜST qeyd edib ki, alkoqol reklamları sosial media, məktəblər və populyar serial məzmunları vasitəsilə gənclərə geniş şəkildə çatır. Qurum vurğulayıb ki, xüsusilə rəqəmsal platformalarda istifadə olunan süni intellekt əsaslı marketinq strategiyaları gəncləri hədəf alır.

ÜST-nin məlumatlarına görə, aparılan bir araşdırma 16-17 yaş arası gənclərin 93 faizinin sosial mediada alkoqol reklamlarına məruz qaldığını göstərib. Bildirilib ki, bu vəziyyət onların istehlak vərdişlərinə ciddi təsir göstərə bilər.

Açıqlamada qeyd olunub ki, alkoqol şirkətləri inkişaf etmiş rəqəmsal alətlərdən istifadə edərək istifadəçi davranışlarını təhlil edir və bu yolla daha effektiv reklam strategiyaları hazırlayır. Xüsusilə gənclərin maraqlarına uyğun fərdiləşdirilmiş məzmunların onların istehlak meyllərini fərqinə varmadan yönləndirə bildiyi vurğulanıb.

ÜST insanları bu cür marketinq üsullarına qarşı diqqətli olmağa çağıraraq bildirib: “Marketinq hiylələrinin seçimlərinizə təsir etməsinə imkan verməyin. Nəzarəti öz əlinizdə saxlayın.”