Azərbaycan News Agency

Pakistanın Türkmənistandakı səfiri doktor Faryal Leghari İslamabadda Pakistan Baş nazirinin müavini və xarici işlər naziri Məhəmməd İshaq Dar ilə bir araya gəlib.

Pakistan Xarici İşlər Nazirliyinin açıqlamasına görə, görüşdə iki ölkə arasındakı münasibətlər və qarşıdan gələn Pakistan-Türkmənistan Birgə Hökumətlərarası Komissiyasının iclası müzakirə olunub.

Dar sözügedən iclasın xüsusilə ticarət, enerji və regional bağlantılar sahələrində ikitərəfli əməkdaşlığı inkişaf etdirmək üçün mühüm fürsət olduğunu vurğulayıb.

Dar həmçinin Pakistan-Türkmənistan münasibətlərinin inkişaf etdirilməsi istiqamətində göstərdiyi səylərə görə səfir Leghariyə təşəkkür edib.