Azərbaycan News Agency

ABŞ Prezidenti Donald Tramp gömrük rüsumları ilə bağlı davam edən hüquqi proseslərin mümkün iqtisadi və milli təhlükəsizlik nəticələri barədə açıqlama verib.

Ali Məhkəmənin mənfi qərarı halında yaranacaq maliyyə yükünə diqqət çəkən Tramp deyib: «Əgər Ali Məhkəmə hər hansı səbəbdən gömrük rüsumları məsələsində ABŞ əleyhinə qərar verərsə, geri ödəməli olacağımız real məbləğlər yüz milyardlarla dollara çata bilər. Bu, tam bir xaos olar və ölkəmiz üçün ödənişlər demək olar ki, mümkünsüz hala gələr».

Prosesin mürəkkəbliyini vurğulayan Tramp əlavə edib: «Bunun tez və asan şəkildə edilə biləcəyini deyən hər kəs bu çox böyük və mürəkkəb suala yanlış cavab verir. Kimin, nə vaxt və harada ödəyəcəyini anlamaq illər çəkərdi. Unutmayın, Amerika parlayanda dünya da parlayır».

Məsələni milli təhlükəsizlik mövzusu kimi dəyərləndirən Tramp sözlərini belə yekunlaşdırıb: «Başqa sözlə, əgər Ali Məhkəmə bu milli təhlükəsizlik fürsəti ilə bağlı ABŞ əleyhinə qərar verərsə, işimiz bitmiş sayılır».