Azərbaycan News Agency

Ukrayna Prezidenti Volodimir Zelenski danışıqlar heyəti ilə görüşdən sonra ABŞ ilə aparılan çoxşaxəli münasibətlər və strateji hazırlıqlar barədə məlumat verib.

Təhlükəsizlik sazişinin əhəmiyyətini vurğulayan Zelenski deyib: “Ukrayna üçün ABŞ-ın təhlükəsizlik zəmanətləri ilə bağlı sənədin son variantının hazırlanmasını və ən yüksək səviyyədə baxılması üçün təqdim olunmasını tapşırmışam. Bu, tarixi əhəmiyyətə malik sənəd olmalıdır və mətn hazırda bu səviyyəyə çatır.”

Müharibənin başa çatdırılması üçün aparılan diplomatik təmaslara toxunan Zelenski qeyd edib: “Amerika tərəfinin müharibəni bitirmək üçün siyasi çərçivə ilə bağlı Rusiya ilə təmasda olduğunu anlayırıq. Baxışımızı müəyyən etmişik və Rusiyadan aydın və dəqiq cavab alınmalıdır.”

Rusiyaya təzyiqin artırılmasının vacibliyini vurğulayan Zelenski açıqlamasını belə tamamlayıb: “Əgər müharibəni seçsələr, dünya Rusiyanın ixrac gəlirlərini mümkün olan ən yüksək dərəcədə azaltmaqla cavab verməlidir.”