Azərbaycan News Agency

ABŞ-nin nəqliyyat naziri Şon Daffi ölkədə aviasiya əməliyyatlarının tədricən normal vəziyyətə qayıtdığını, təyyarələrin uçuş və enişlərini davam etdirdiyini bildirib.

Aviaşirkətlərlə koordinasiyanın davam etdiyini qeyd edən Daffi uçuş cədvəllərinin yenidən tənzimlənməsi səbəbindən gecikmələrin və ləğvlərin bir müddət də davam edə biləcəyini açıqlayıb.

Sərnişinlərin təhlükəsiz şəkildə ailələrinin yanına qayıtmasının əsas prioritet olduğunu vurğulayan Daffi vəziyyətlə bağlı yeni məlumatların ABŞ Nəqliyyat Nazirliyində keçiriləcək mətbuat konfransında açıqlanacağını bildirib.