Azərbaycan News Agency

Avropa İttifaqının (Aİ) Genişlənmə üzrə komissarı Marta Kos Avropanın təhlükəsizliyinin Qərbi Balkanlardakı sabitliklə birbaşa bağlı olduğunu vurğulayıb.

Kos Bratislavada keçirilən Qərbi Balkanların Dostları Nazirlər Toplantısına ev sahibliyi edən Slovakiya xarici işlər naziri Yuray Blanara təşəkkür edərək, "Avropanın təhlükəsizliyi Qərbi Balkanlardakı sabitliklə ayrılmaz şəkildə bağlıdır" ifadələrini işlədib.

Toplantıda Qərbi Balkan ölkələrinin Avropa İttifaqına üzvlük proseslərində irəliləməsinə dəstək olacaq praktik addımlar müzakirə edilib.

Bu çərçivədə namizəd ölkələrin Vahid Bazar, enerji bazarı, rəqəmsal siyasətlər və nəqliyyat şəbəkələrinə daha çox inteqrasiya olunması planları gündəmə gəlib.

Kos Slovakiyanın bu prosesdə mühüm tərəfdaş olduğunu bildirib.