Azərbaycan News Agency

Qətər Xarici İşlər Nazirliyi İranın İordaniya, Bəhreyn və Küveytə qarşı təkrarlanan hücumlarını qınadığını açıqlayıb.

Nazirliyin bəyanatında bildirilir ki, sözügedən hücumlar qardaş ölkələrin suverenliyinin, qaydalara əsaslanan beynəlxalq nizamın və Birləşmiş Millətlər Təşkilatının Nizamnaməsinin açıq şəkildə pozulmasıdır.

Qətər regionun bu cür hücumların nəticələrindən qorunmasının vacibliyini vurğulayaraq, gərginliyin azaldılması, dialoq və diplomatik proseslərin sürətləndirilməsinin həm regional, həm də qlobal təhlükəsizlik və sabitliyə töhfə verəcəyini qeyd edib.

Bəyanatda həmçinin Qətərin İordaniya Haşimilər Krallığı, Bəhreyn Krallığı və Küveyt Dövləti ilə tam həmrəylik içində olduğu vurğulanaraq, bu ölkələrin suverenliyini, təhlükəsizliyini və sabitliyini qorumaq istiqamətində atacaqları bütün addımlara dəstək ifadə olunub.