Azərbaycan News Agency

Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyi (UNRWA) Qəzzada əsas ictimai xidmətləri göstərməyə davam etdiyini açıqlayıb.

UNRWA-nın sosial media hesabında yayımlanan açıqlamada regionda səhiyyə, təhsil, su təchizatı və sanitariya sahələrində həyata keçirilən fəaliyyətlər barədə məlumat verilib.

Açıqlamada bildirilib ki, UNRWA əməkdaşları hər həftə təxminən 80 min tibbi müayinə həyata keçirir, təxminən 300 min uşaq təhsil imkanlarından yararlanır və 1,5 milyondan çox insan su, sanitariya və gigiyena xidmətləri üçün UNRWA-nın dəstəyinə ehtiyac duyur.